Ditëlindja e Rikardit


Me rastin e 65-vjetorit të lindjes së regjisorit dhe aktorit Rikard Ljarja (Artist i Merituar)

Arkivi Qendror Shtetëror i Filmit organizon një festë mes miqsh dhe kolegësh, nesër, në orën 11.00, në sallën e Kompanisë Filmike AA, në ish- Kinostudio. Arkivi ka përgatitur një kolazh me krijimtarinë dhe episodet e roleve të Ljarjes regjisor dhe aktor.

Rikard Ljarja u lind më 1 prill 1943 në Shkodër. Më 1960 mbaroi maturën në Shkodër kurse më 1965 u diplomua në Institutin e Lartë të Arteve në degën e Artit Dramatik, në Tiranë. Pas diplomimit, punoi për tetë vjet aktor i Teatri "Migjeni" në vendlidnje, Shkodër. Prej vitit 1973 deri 1996 interpretoi si aktor në filmat "Komisari i Dritës", "Dueli i heshtur", "Plagë të vjetra", "Ilegalët", "Radiostacioni", "Pranverë e hidhur", "Rrethi i kujtesës", "Fletë të bardha". Si regjisor ka realizuar "Pesha e kohës", "Kur hapen dyert e jetës", "Skëterrë 43", "Radiostacioni" etj. Në vitet 1996-2002, është drejtor artistik në Televizionin Publik Shqiptar.

Commenti