Nis festivali i Filmit Shqiptar

Mbremja e 23 gushtit ka shenuar edhe celjen e te parit Festival Nderkombetar te Filmit ne Shqiperi. I konceptuar si nje event veror i permasave nderkombetare, ky festival ka nisur mes fishekzjarreve dhe ka gjetur vecanerisht interesin e njerezve te artit. Ceremonia festivve, qe deklaroi te hapur kete event ka nisur rreth ores 20.00 te mbremjes e shoqeruar nga parakalimi i artisteve protagoniste, por edhe i te ftuarve, ne tapetin e kuq, i shtruar ne shkallet e hyrjes. Me tej kryebashkiaku i Durresit Vangjush Dako, i cili eshte njekohesisht edhe president i Festivalit, gjeti mundesine te falenderoje te gjithe organizatoret duke theksuar nder te tjera edhe vlerat, qe ky event i filmit sjell per promovimin e Turizmit ne Shqiperi. "Ju siguroj per interesimin, vemendjen e vazhdueshme dhe vleresimin maksimal, timin dhe te Bashkise se Durresit ndaj veshtiresive e perpjekjeve te medha per te mundesuar kete festival", tha Dako ne fjalen e tij. Ne kete atmosfere, nisi edhe gara e performancave filmike, qe startoi me filmin "Koha e Kometes", nje realizim shqiptaro-gjerman, me regji te Fatmir Kocit. Me tej, nje tjeter konkurrent u prezantua per te pranishmit. Behet fjale per "Black horses" (Kuajt e zinj) me regji te Ljubisa Samardzic. Dje paradite ne ambientet e pallatit te kultures eshte zhvilluar konferenca e pare per shtyp, e cila ka patur ne qender regjisorin e filmit "Koha e Kometes" Fatmir Koci, producentin dhe aktoret kryesore te tij. Regjisori Koci eshte shprehur ne fillim se: "Eshte mjaft i veshtire ekranizimi i Kadarese, duke qene se filmi mbeshtetet ne novelen "Prilli i thyer", shkruar nga shkrimtari i madh Ismail Kadare. Ai i ka parashikuar gjerat per shume vjet ndoshta, dihet uni i Kadarese, por nga ana tjeter ne kontaktet me te, ai ma ka lehtesuar mjaft punen. Kadareja nuk ka bere komente per filmin, ka pare nje pjese dhe i ka pelqyer, sidomos Shestani, qe eshte aktori kryesor. Une dua te theksoj, se Kadare eshte komod ne te punuar, pasi mua me ka dhene liri. Filmi i flet njeriut kudo qe te jete, jo vetem publikut vendas apo te huaj. Ai zhvillohet ne nje dimension historik qe ndodhte ne ate kohe ne Mesdhe, ne Ballkan, Izrael, Sicili etj". Aktori qe luan rolin kryesor ne kete film eshte Blerim Destani, ne rolin e muslimanit Shestan. Aktori, i pranishem ne Shqiperi, u ndje i vleresuar ne boten shqiptare te filmit. "Jam shume i kenaqur, qe jane futur ne boten shqiptare te viteve 1913-1914. Kam punuar gjashte muaj per kete rol dhe skenarin e lexova ne vitin 2003. Une kam bashkepunuar edhe me pare me Fatmir Kocin, por filmi i fundit me ka hapur dyert jashte". Filmi ne fjale eshte derguar edhe ne disa vende te tjera, ne Evrope, Azi dhe Amerike, nderkohe qe nuk u pranua ne festivalin e Venecias ne Itali. Nderkohe edhe producenti i filmit, Alan Ninxhic eshte ndjere i vleresuar per premieren. "Premiera e filmit, "Koha e kometes" ka qene nje premiere boterore", ka pohuar ai ne konferencen e djeshme per shtyp, duke shtuar se ne date 2 dhe 3 shtator filmi do te shfaqet ne Prishtine, me pas ne Maqedoni dhe Tirane. Festivali i filmit eshte konceptuar ne menyre te tille, qe filmat konkurues qe shfaqen ne Sallen e Pallatit te Kultures, te jepen diten tjeter paradite ne amfiteatrin e lashte te qytetit te Durersit. Gjate paradites se djeshme, ne sallen e teatrit "Aleksander Moisiu" jane shfaqur edhe dy filma shqiptare te perzgjedhur nder vite, "Ne fillim te veres" dhe "Lulekuqet mbi mure", te cilat rikthejne nostalgjine e kinemase shqiptare. Ndersa ne programin e mbremjes jane shfaqur per konkurrim filmat "Installation of love" dhe "Correction". I pari eshte nje prodhim slloveno-gjerman i vitit 1998, ndersa i dyti eshte prodhim grek i vitit 2007. Per keto premiera, jane parashikuar edhe konferencat e shtypit, kur artistet do te komunikojne me mediat.

Te ftuarit

Ne edicionin e tij te pare, qe do te mbahet nga 23-31 gusht, ne kete festival jane ftuar disa emra te njohur te kinematografise boterore. Bashke me Harlan, mberrin edhe aktori i njohur Mikele Placido, zv/presidentja e "Trieste Film Festival", Elena Giuffrida dhe regjisori cek Jiri Menzel. Listes se te ftuarve i eshte shtuar ne momentet e fundit, emri i aktorit te njohur serb Rade Sherbexhija, i cili eshte ne ekipin e filmit kroat "Mrekulli e vertete", si dhe aktori 63- vjecar Iri Menzell, fitues i cmimit "Oscar" ne moshen 28-vjecare. Ai vjen me filmin anglo-cek "I kam sherbyer mbretit te Anglise.

"Koha e Kometes" dhe Shqiperia e Princ Vidit

Filmi shqiptaro-gjerman "Koha e kometes" i regjisorit Fatmir Koci i vendos ngjarjet ne vitin 1914, kur ne Shqiperi ishte instaluar qeveria e Princit gjerman Vilhelm Vid. Protagonistit kryesor, Shestanit duke marre nje leter nga ekstremistet myslimane i kerkohet te behet synet, por ai kundershton. Myslymani Shestan dhe 4 miq te tij fanatike kerkojne te mbrojne vendin e tyre me lufte. Shestani takon nje katolike, qe eshte derguar ne Shqiperi per te percjelle misionin kunder vullnetit te saj. Dashurohen te dy. Shestani dhe luftetaret e tjere nuk luftojne dhe cdo gje ndryshon. Shestani gjeti dashurine dhe braktisi luften, duke marre Agnes ne shtepi. Skenari i shkruar nga Fatmir Koci eshte bazuar mbi novelen "Prilli i thyer" te shkrimtarit Ismail Kadare, fitues i "Man Booker International Prize 2005". Filmi zgjat 103 minuta dhe eshte produksion i L.A.R.A Enterprises.Com/Koci Productions/Cine-Sud Promotion. Ne rolet kryesore interpretojne Blerim Destani, Masiela Lusha, Thomas Heinze, Luan Jaha, Genti Zenelaj, Xhevdet Jashari, Adem Karaga.

Commenti