Në Teatrin Kombëtar u përkujtua figura e saj e madhe me rastin e 20-vjetorit të vdekjes. Ish-kolegë e miq të artistes, e cila identifikohet me figurën e Lokes te drama "Toka jonë", kujtuan në përlotje personalitetin e saj të gjithanshëm artistik; karakterin prej zonje dhe sharmin e një artisteje të papërsëritshme. Marie Logoreci nuk ishte vetëm një aktore në karrierën e saj artistike. Ajo lëvroi dhe gjininë e këngës e interpretimit vokal. Si bijë Shkodre, ajo i përket plejadës më të shquar të artistëve shkodranë që vunë themelet e artit shqiptar para dhe pas lufte. Me figurën e Lokes, Marie Logoreci u memorizua përfundimisht në kujtesën kombëtare si figurë e madhe arti e gruaje njëkohësisht. Margarita Xhepa e ka cilësuar Marie Logorecin si aktoren më shqiptare të të gjitha kohërave.
Commenti